വാട്സ്ആപ്പ് ജ്ഞാനി
വാട്സ്ആപ്പ് ജ്ഞാനി അച്ഛൻ ജോലിക്കു പോകുന്ന ശബ്ദം കേട്ടാണ് അവൻ ഞെട്ടിയുണർന്നത്.ഇന്ന് പതിവിലും വൈകിപ്പോയി എണീക്കാൻ.കൈ നീട്ടി അടുത്തു കിടന്നിരുന്ന മൊബൈൽ ഫോൺ അവൻ സ്വിച്ച് ഓൺ ചെയ്തു. ഭാഗ്യം ഇന്നലെ രാത്രി ഫോൺ സ്വിച്ച് ഓഫ് ചെയ്തു ഉറങ്ങിയതു കൊണ്ട് ജീവൻ രക്ഷപ്പെട്ടു..…! ആയിരം വര്ഷങ്ങൾക്കൊരിക്കൽ ഭൂമിയിലേക്ക് വരുന്ന 'ഗാമ' രശ്മികൾ ഇന്നലെ രാത്രി കൃത്യം രണ്ടു മണിക്ക് ആണത്രേ ഭൂമിയിൽ പതിച്ചത്.ആ സമയത്തു ഭൂമിയിൽ ഓണാക്കി വച്ചിരിക്കുന്ന മൊബൈൽ ഫോണുകളിൽ നിന്നും ഭീകര വികിരണങ്ങൾ ഉണ്ടാവുകയും പൊട്ടിത്തെറിക്കുകയും ചെയ്യും പോലും..വൈകി ആണെങ്കിലും അതിനെ പറ്റിയുള്ള വാട്സ്ആപ്പ് മെസ്സേജ് കിട്ടിയത് കൊണ്ട് ഫോൺ ഓഫ് ചെയ്യാൻ പറ്റി.. ഇല്ലെങ്കിൽ എന്തായേനെ തന്റെ അവസ്ഥ..? അവൻ ഫോണിൽ നെറ്റ് ഓൺ ചെയ്ത് കാലത്ത് തനിക്ക് വന്ന എല്ലാ ഗുഡ് മോർണിംഗ് മെസ്സേജുകൾക്കും മറുപടി കൊടുത്തു.പെട്ടന്നാണ് അവനു ഒരു കാര്യം ഓർമ വന്നത്. ബെഡിൽ നിന്നും ചാടിയെഴുന്നേറ്റു അവൻ വേഗം തന്നെ ഫ്രിഡ്ജ് തുറന്ന് ഒരു മുഴുവൻ കുപ്പി വെള്ളം ഒറ്റ കമത്തിനു കുടിച്ചു തീർത്തു..കാലത്ത് വെറും വയറ്റിൽ ഒരു ലിറ്റർ വെള്ളം കുടിച്ചാൽ വായിലെ ബാക്ടീരിയകൾ വയറിലേക്ക് എത്