My Aspirations and Dreams

"Relationships Are Ephemeral" - ബന്ധങ്ങൾ ക്ഷണികമാണ്.  ബന്ധങ്ങളുടെ വിലയറിയാത്ത അല്ലെങ്കിൽ അതിനൊന്നും സമയമില്ലാത്ത അതെന്താണെന്നു പറഞ്ഞു കൊടുക്കാൻ ആരുമില്ലാത്ത കുറെ മനുഷ്യരുടെ കഥ.. അതിർവരമ്പുകൾ ഇല്ലെങ്കിൽ, ശരിയും തെറ്റും തിരിച്ചറിയാൻ പറ്റുന്നില്ലെങ്കിൽ, പറഞ്ഞു കൊടുക്കാൻ ആളില്ലെങ്കിൽ സംഭവിക്കാവുന്ന തെറ്റുകൾ.. ശരിയും തെറ്റും സോഷ്യൽ മീഡിയ പോളുകളിലൂടെ മാത്രം തീരുമാനിക്കുന്ന ഒരു സമൂഹത്തിൽ ധാർമികത പറയുന്നത് തന്നെ ശുദ്ധമണ്ടത്തരമാണ്.. ഏറെ കാലത്തിന് ശേഷം കണ്ട വളരെ മികച്ച ഒരു ക്ലാസിക്ക്.. കാലിക പ്രസക്തമായ ഒന്ന്..💞

"പത്രമിടുന്ന ഒരു വീട്ടിലെ മെയിൽ ബോക്സ് അടഞ്ഞിരിക്കുന്നത് കണ്ട് സൈക്കിളിൽ നിന്നിറങ്ങി അവരുടെ കോളിങ് ബെൽ അമർത്തി. നിലത്തുറക്കാത്ത കാൽവെയ്പ്പുകളോടെ ഒരു വൃദ്ധൻ പതിയെ നടന്നു വന്ന് വാതിൽ തുറന്നു. "സാറേ, എന്താ പത്രമിടാറുള്ള ബോക്സ് അടഞ്ഞിരിക്കുന്നെ?" അയാൾ പറഞ്ഞു, "അത് മനഃപൂർവ്വം പൂട്ടി വെച്ചതാ ".. ചിരിച്ചുകൊണ്ട് അയാൾ തുടർന്നു, " നീ എനിക്ക് എന്നും ന്യൂസ്‌ പേപ്പർ കയ്യിൽ കൊണ്ടുവന്ന് തരണം. കതകിൽ മുട്ടുകയോ ബെൽ അടിക്കുകയോ ചെയ്‌താൽ മതി. ഞാൻ വന്ന് തുറന്നോളാം" "അത് പിന്നേ..സർ, അത് നമുക്ക് രണ്ടുപേർക്കും ഇരട്ടിപ്പണി അല്ലേ? അത്രേം സമയോം പോവും" അദ്ദേഹം പറഞ്ഞു, "അത് സാരല്ല. കതകിൽ മുട്ടുന്നതിന് കൂലിയായി ഞാൻ ഓരോ മാസവും നിന്ക്ക് 500 രൂപ അധികം തരാം" ഒന്ന് നിർത്തിയിട്ട് ദൈന്യത തോന്നുന്ന മുഖഭാവത്തോടെ അയാൾ തുടർന്നു, "നിനക്ക് എന്നെങ്കിലും വരാൻ പറ്റില്ലെങ്കിൽ വേറെ ഒരാളെ നിർബന്ധമായും പറഞ്ഞേൽപ്പിക്കണം. പിന്നെ, ഞാൻ വാതിൽ തുറക്കാൻ  കുറെ വൈകുകയാണെങ്കിൽ പോലീസിനെ വിളിക്കണം" "എന്തിനാ?" അയാൾ പറഞ്ഞു, "എന്റെ ഭാര്യ മരിച്ചുപോയി. ആകെയുള്ള മകൻ വിദേശത്ത...

പ്രിയ ഇന്റർനെറ്റ് എക്സ്പ്ലോറർ, നീണ്ട 27 വർഷത്തെ സേവനത്തിന് ശേഷം, ഇന്ന് നീ റിട്ടയർ ചെയ്യുകയാണ്. ഞങ്ങളുടെ പ്രിയപ്പെട്ട സുഹൃത്തായ നിന്നോട് വിടപറയാനുള്ള സമയമാണിത്.  പ്ലസ് എന്ന ആഡ്-ഓൺ പാക്കേജിന്റെ ഭാഗമായി 1995-ൽ ആദ്യമായി നീ ഞങ്ങളിലേക്ക് വന്നു ! വളർച്ചയുടെ ഒരോ ഘട്ടത്തിലും ഞങ്ങളുടെ ജീവിതത്തിന്റെ ഒരു പ്രധാന ഭാഗമായിരുന്നു നീ. ഒരുപക്ഷേ ആൻഡ്രോയ്ഡിന്റെയും സ്മാർട്ട്‌ ഫോണൊകളുടെയും വരവോടെയാവാം നിന്റെ പ്രതാപം കുറഞ്ഞു തുടങ്ങിയത്.  ഇന്റർനെറ്റിൽ ഒരുപാട് ഓർമ്മകൾ ഞങ്ങൾക്ക് നൽകിയതിന് നന്ദി. നീ പൂർണ്ണനല്ലായിരുന്നു, പലപ്പോഴും ക്രാഷുചെയ്യ്തും വിശദീകരിക്കാനാകാത്ത ബഗുകൾ കൊണ്ടും നീ ഞങ്ങളെ ഭ്രാന്ത് പിടിപ്പിച്ചു.  എന്നിരുന്നാലും, ഓർമ്മകൾ അവിടെയുണ്ട്, നിന്നെ ഒരിക്കലും മറക്കില്ല.  കുറഞ്ഞത്, ഇന്റർനെറ്റ് ചരിത്ര പുസ്തകങ്ങളുടെ കാര്യം വരുമ്പോൾ നീ തന്നെയാകും മുൻപിൽ.

Tesla, SpaceX, Boring Company, OpenAI, Neuralink തുടങ്ങി ഒരുപിടി കമ്പനികളുമായി ഒരുപതിറ്റാണ്ടിനുള്ളിൽ കോടീശ്വരന്മാരുടെ പട്ടികയിലേക്ക് കണ്ണഞ്ചിപ്പിക്കുന്ന വേഗതയിൽ കടന്നുകൂടി ഇലോൺ മാസ്ക് കൈവരിച്ച നേട്ടം അത്ഭുതത്തോടെ മാത്രമേ നോക്കിക്കാണാൻ കഴിയൂ. ഒടുവിൽ ഏകദേശം 44 ബില്യൺ ഡോളറിന് ട്വിറ്റർ വാങ്ങാൻ എലോൺ മസ്‌ക് കരാർ ചെയ്തു കഴിഞ്ഞു. എവിടെയോ വായിച്ചു കേട്ടത് പോലെ ബിസിനസ്സിൽ ഉണ്ടാക്കുന്ന ഓരോ ചെറിയ ലാഭവും മറ്റൊരാളുടെ നഷ്ടമാണ്. പണം അത് വല്ലാത്ത ഒരു പ്രലോഭനം തന്നെയാണ്. ബിസിനസ് ചെയ്യുന്ന ബഹുഭൂരിപക്ഷത്തിന്റെയും ലക്ഷ്യം ലാഭം ഉണ്ടാക്കുക എന്നത് മാത്രം ആയതുകൊണ്ട് അതിനായി പലപ്പോഴും മാർഗ്ഗത്തേക്കാൾ ഉപരി ലക്ഷ്യത്തിന് മാത്രമായിരിക്കാം പ്രാധാന്യം കൊടുക്കുന്നത്. ഞാൻ മനസ്സിലാക്കിയിടത്തോളം ഉടായിപ്പ് എന്നതിന്റെ മകുടോദാഹരണമാണ് ഇലോൺ മാസ്ക്.ശരിക്കും പറഞ്ഞാൽ കഴിഞ്ഞ ചില മാസങ്ങൾക്കുമുമ്പ് അല്ലെങ്കിൽ കോവിഡിന്റെ ശേഷമാണ് മാസ്ക് നെ കുറിച്ച് ഞാൻ കൂടുതലായി കേൾക്കാനും പഠിക്കാനും തുടങ്ങിയത്. Tesla യിലൂടെയും SpaceX ലൂടെയും എനിക്ക് സുപരിചിതനായ മാസ്ക് വളരെപെട്ടന്ന് തന്നെ എനിക്ക് പ്രിയങ്കരനായി എന്നുള്ളതാണ് വാസ്തവം. ആയിടയ്ക്ക് അദേഹത്...

Do not fall in love with the law. It's like a jealous Mistress. It can disappoint you.. രാജ്യം ഉറ്റുനോക്കുന്ന ഓരോ വിധി പ്രസ്താവനത്തിന് മുൻപും ജഡ്ജിമാർ ആശയകുഴപ്പത്തിലാകുന്നുണ്ടായിരിക്കണം.. അതെന്തെങ്കിലുമാവട്ടെ Section 375. ശക്തമായ വാദപ്രതിവാദങ്ങൾ കൊണ്ട് നിറഞ്ഞ ഒരു കോർട്ട് റൂം ഡ്രാമ. അതിൽ വിധി പ്രസ്താവിക്കാൻ ജഡ്ജിമാർ അനുഭവിക്കുന്ന അതെ ആശയകുഴപ്പം കാണുന്ന പ്രേക്ഷകനിലും ഉണ്ടാക്കുന്നതിൽ വിജയിച്ചൊരു ചിത്രം. നീതി ആണോ നിയമം ആണോ ജയിക്കേണ്ടത് എന്ന  ആശയക്കുഴപ്പത്തിൽ നമ്മെ ഇത് കൊണ്ടുചെന്നെത്തിക്കും കൊണ്ടെത്തിക്കും എന്നത് തീർച്ച. ഫെമിനിസ്റ്റ് സിനിമയെന്ന് അക്ഷരം തെറ്റാതെ വിളിക്കമെന്ന ഈ ചിത്രത്തെ അക്ഷയ് ഖന്ന തകർപ്പൻ ആക്കി എന്നുതന്നെ പറയണം. സ്‌ക്രീനിൽ നിന്ന് ഒരു നിമിഷമെങ്കിലും കണ്ണുതെറ്റിയാൽ നിർണായകഭാഗങ്ങൾ നഷ്ടപ്പെട്ട് പോവുമെന്നുള്ള ബോദ്ധ്യം നമ്മിലുണ്ടാക്കുന്നതിൽ  ഈ ചിത്രം വിജയിച്ചു. കാലികപ്രസക്തമായ ഒപ്പം അധികമാരാലും ശ്രദ്ധിക്കപ്പെടാത്ത ശക്തമായ ഇത്തരം സിനിമകൾ ഒരുണർത്തുപാട്ടാണ്; ജനങ്ങൾക്ക് മാത്രമല്ല പരമോന്നത നീതിപീഠത്തിനും. അതെ, എഴുതപ്പെട്ട നിയമങ്ങൾ പാലിക്കപ്പെടുമ്പോൾ പലപ്പോഴും അർഹ...

കഴിഞ്ഞ ശനിയാഴ്ച വീട്ടിൽ വെറുതെ ഇരുന്നപ്പോൾ ഒന്ന് എറണാകുളം വരെ പോയലോ എന്നൊരു ചിന്ത. പിന്നെ ഒന്നും നോക്കിയില്ല ഇന്ത്യൻ റയിൽവേയുടെ 'Rail Connect' ഡൌൺലോഡ് ചെയ്തു. തിങ്കളാഴ്ചത്തേക്ക് ജന ശദാബ്ദിയിൽ ഒരു ടിക്കറ്റും അങ്ങ് ബുക്ക് ചെയ്തു. തിങ്കളാഴ്ച രാവിലെ എഴുന്നേറ്റ് സുന്ദരകുട്ടപ്പനായി ഏഴേകാലിനു തന്നെ റെയിൽവേ സ്റ്റേഷനിൽ ഹാജർ വെച്ചു. ഇനിയും പത്തിരുപത് മിനുറ്റ് ബാക്കിയുണ്ട് വണ്ടി വരാൻ. 'Rail Connect' ഒന്നുകൂടി ഓപ്പൺ ചെയ്ത് ടിക്കറ്റിന്റെ സ്റ്റാറ്റസ്  നോക്കി, വെയ്റ്റിംഗ് ലിസ്റ്റിൽ 326 ആയിരുന്നത് 140 ൽ എത്തി. രണ്ട് മണിക്കൂറത്തെ കാര്യമല്ലേ ഉള്ളൂ നിന്ന് അങ്ങ് യാത്ര ചെയ്യാം എന്ന് കരുതി ഫോണും തിരുകി അങ്ങനെ നിന്നപ്പോൾ ദാ വരുന്നു നമ്മുടെ ജന ശതാബ്ദി.. പിന്നെ ഒന്നും നോക്കിയില്ല ചാടിയങ്ങു കയറി.. അധികം വൈകാതെ തന്നെ കഥാനായകനും പ്രത്യക്ഷപ്പെട്ടു;സുമുഖനായ ബംഗാളി TTR(അല്ലെങ്കിലും നമ്മൾ മലയാളികൾക്ക് ഹിന്ദി പറയുന്നവർ എല്ലാം ബംഗാളികൾ ആണല്ലോ..) ചില മൂലയ്ക്ക് നിന്ന് കഥാനായകൻ ചിലരെ പൊക്കി പിഴ അടിക്കുന്നത് കണ്ട് ആസ്വദിച്ച് അങ്ങനെ നിൽക്കുന്ന എന്റെ അടുത്തും ഒടുവിൽ വന്ന് ടിക്കറ്റ് ചോദിച്ചു. ഞാനാണെകിൽ ഭയങ്...

മിന്നുന്ന വായ്ത്തല തന്റെ കഴുത്തിന് നേരെ വന്നപ്പോഴും അപ്പോസ്തലനായ പൗലോസിന് ഒരു പ്രത്യാശയുണ്ടായിരുന്നു, നിത്യത എന്ന ആ വലിയ വാഗ്ദത്തം. ആധുനിക യുഗത്തിലെ വിശുദ്ധർ എന്ന് സ്വയം അവരോധിച്ചിരിക്കുന്ന, വീണ്ടും ജനനം പ്രാപിച്ചവർ എന്ന് അഭിമാനിക്കുന്ന നാം ഓരോരുത്തരും  പൂർവ്വപിതാക്കൾ പ്രിയംവെച്ച ആ നിത്യത നമ്മുക്ക് കാലാന്തരത്തിൽ നമ്മുടെ പ്രവർത്തികൾ മൂലം അന്യമായിക്കൊണ്ടിരിക്കുകയാണോ എന്ന് ഇരുത്തി ചിന്തിക്കേണ്ടിയിരിക്കുന്നു. പറയാൻ ഒരുപക്ഷേ വർഷങ്ങളുടെ പാരമ്പര്യവും പിതാക്കന്മാർ ക്രിസ്തുവിനുവേണ്ടി ത്യജിച്ച വലിയ വലിയ  നന്മകളുടെ ലിസ്റ്റും ഉണ്ടാകും. പക്ഷേ അങ് അക്കരെ നാട്ടിൽ എത്തുവാൻ അതൊന്നും മതിയായി എന്ന് വരില്ല. ഒരു ദൈവപൈതൽ എന്ന നിലയിൽ എന്ത് ചെയ്യണം എന്ത് ചെയ്യരുത് എന്നെല്ലാം നമ്മെ പഠിപ്പിക്കുവാൻ പര്യാപ്തമാണ് തിരുവചനം. ഓരോ ദൈവപൈതലിന്റെയും മാർഗ്ഗദർശിയായി തിരുവെഴുത്തുകൾ നിലകൊള്ളുമ്പോഴും എന്തിനാണ് സംവാദങ്ങളിലൂടെയും സോഷ്യൽ മീഡിയ ചർച്ചകളിലൂടെയും തിരുവചനത്തിന് പുതിയ പുതിയ മാനങ്ങൾ കല്പിച്ചു നൽകുന്നതെന്ന് ഇനിയും മനസ്സിലാകുന്നില്ല. അനാദിയായുള്ള ദൈവത്തിന്റെ മാറ്റമില്ലാത്ത വചനത്തിനെ മാറ്റിമറിക്കാൻ വേദപണ്ഡി...